DILI - Prezidente Parlamentu Nasional (PN), Fernando La Sama de Araujo, hato’o ninia desezu bo’ot ba embaxador Japaun iha Timor Leste (TL), Iwao Kitahara, tamba iha espiritu hodi liga ninia estadu ho nasaun ne’e.
Kestaun ne’e La Sama hato’o relasiona ho mandatu Embaxador nebe remata ona iha TL. Iha oportunidade ne’e mos deputadu sira hato’o agradese no desezu ba Embaxador Iwao, ba servisu tomak nebe nia halao durante iha TL.
“hau ohin hamutuk ho sira grupu amijade husi membru parlamentu Timor Leste ho Japaun tur hamutuk ho Embaixador hato’o ami nia agradesementu, e liafuan boaviajen, no deputadu sira hameno lia barak katak, dezemvolve nafatin relasaun diak, agradese nia servisu, e mos hein katak, nia bele sai hanesan aman ida ba Timor oan sira nebe’e maka eskola iha Japaun,” hateten La Sama ba jornalista hafoin halo despedida ho Embaixador Japaun, Iwao Kitahara, iha salaun konfrensia PN, Kinta (29/9).
Nune’e mos deputadu bankada CNRT, Paulo Martins, husu ba Japaun iha future atu ajuda nafatin joventude sira, liu-liu ba area edukasaun.
Nune’e Embaixador Japaun, Iwao Kitahara, hateten, durante nia iha Timor tinan tolu, maibe nia senti kontenti teb-tebes, tanba halo servisu diak ho governu Timor Leste. Informasaun kompletu iha STL Jornal no STL web, edisaun Sesta (30/9). Jasinta Sequera
STL
