ALOKUSAUN
SUA EXELÊNSIA PRIMEIRU-MINISTRU NO MINISTRU DEFEZA I SEGURANSA
KAY RALA XANANA GUSMÃO NIAN
IHA OKAZIAUN SERIMÓNIA ENTREGA ESTANDARTES NASIONAIS BA F-FDTL
6 Outubru 2009
Baze Navál Hera
Díli
SUA EXELÊNSIA PRIMEIRU-MINISTRU NO MINISTRU DEFEZA I SEGURANSA
KAY RALA XANANA GUSMÃO NIAN
IHA OKAZIAUN SERIMÓNIA ENTREGA ESTANDARTES NASIONAIS BA F-FDTL
6 Outubru 2009
Baze Navál Hera
Díli
Exmu. Senhór Sekretáriu Estadu Defeza, Dr. Júlio Tomás Pinto
Exmu. Senhór Xefe Estadu Maiór Jenerál Forsas Armadas, Brigadeiru Taur Matan Ruak,
Exmu. Senhór Komandante Navál, Kapitaun Fragata Pedro Klamar Fuik,
Distintus Konvidadus,
Ofisiais, Sarjentus no Prasas F-FDTL nian
Forsas Armadas hanesan últimu redutu ka lutu-hún boot ida hodi garante integridade territoriál no soberania nasionál, tanba ne’e, obrigasaun Estadu nian mak halo oinsá atu fó meius ne’ebé presiza atu sira bele hala’o didi’ak sira nia misaun.
Haluha tiha ka la fornese meius hirak ne’e, hanesan ema no materiais, signifika katak hakarak halo Nasaun ne’e sai fraku, tanba husik sai vulnerável hela atu fásil liu ba ema ne’ebé aposta buat hotu, bele sobu rahun Nasaun ne’e nia patrimóniu.
Tanba ne’e mak Governu ida ne’e, ne’ebé ha’u iha devér atu xefia no, hanesan mós responsável ba pasta Defeza, la kole atu hodi buka reorganiza, reekipa no moderniza F-FDTL, atu nune’e bele fó ba nia kapasidade operasionál sufisiente atu, karik presiza, bele defende independênsia nasionál, ne’ebé ita hetan ona ho sakrifísius barak.
Área ida hotu ne’ebé Estadu sei permeável ka fraku mak patrulhamentu ba ita nia kosta ka tasi tomak, espesialmente iha Zona Ekonómika Exkluziva, nakonu ho krimes oioin, hanesan peska ilegál, tráfiku ka lori tama-sai drogas, kontrabandu no tráfiku ema.
Buat hirak ne’e akontese tanba meius navais la sufisiente i seidauk iha autonomia ne’ebé bele husik sira halo patrulhamentu ba zona kosteira tomak Paíz ne’e nian, hanesan kosta sul, ne’ebé atividades kriminozas husi grupus barak, to’o oras ne’e sei halo namanas ho impunidade.
Lanxas rua, Klase Oekusi, ne’ebé Komponente Navál F-FDTL iha, Portugál mak oferese tuir âmbitu kooperasaun bilaterál, la iha kbiit atu garante invulnerabilidade espasu geográfiku timór-nian, ne’e mak razaun tansá Governu hola kedas medidas indispensáveis atu rezolve problema ne’e.
Nune’e sei hetan husi Repúblika Populár Xina navius ka ró-ahi patrulha boot liu rua, Klase Shangai III, ho autonomia ba 700 milhas no bele halo operasaun iha tasi kle’an durante semana ida laran, la pára, i la presiza apoiu terrestre ka husi rai.
Ho ró-ahi hanesan ne’e ita bele ona halo patrulha ba zona kosteira tomak hodi asegura defeza efikáz ba ita nia riku-soin iha tasi laran, no satan netik grupus kriminozus sira tama-mai ita Rain, liuhusi fronteiras marítimas.
Serimónia ohin nian iha signifikadu boot tebes. Entrega estandartes Nasionais ba Guarnisoens ne’ebé sei responsáveis atu opera ró-ahi patrulha nian, no hein katak tinan oin mai ita bele simu ona, reprezenta pasu desizivu ida ba modernizasaun ita nia Forsas Armadas.
Tinan oin mai, sei hahú mós halo konstrusaun Base Navál moderna ida, iha Hera ne’e.
Iha dia 9 mai Guranisoens rua, ho totál militares na’in 36 husi Komponente Navál, sei bá Xina, iha ne’ebá sira sei tuir formasaun teórika iha fulan tolu laran. Hafoin halo tán formasaun seluk, ne’e prátika nian ona, hodi permite militares sira ne’e bele hetan rendimentu máximu husi kapasidades ró-ahi rua ne’e nian. Ha’u husu ba marinheirus sira hotu atu aplika dedikasaun tomak no disponibilidade aprendizajen iha fulan hirak mai laran, atu nune’e la lakon leet sira nia tempu estudus.
Konhesimentus ne’ebé imi sei bá simu iha Xina, importante tebes hodi ita bele hetan êzitu iha ita nia luta hasoru ema sira ne’ebé aposta buat hotu au sadik autoridade Estadu, aproveita frajilidade iha ita nia fronteiras tasi nian tomak. Imi tenke sente orgulhu ho farda ne’ebé imi uza, respeita konfiansa ne’ebé ami fó ba imi i labele halo buat ne’ebé bele estraga imi no ita hotu nia Pátria.
Na’i Maromak sei akompanha imi iha perkursu ka dalan.
Obrigadu barak!
Kay Rala Xanana Gusmão
6 Outubru 2009
Exmu. Senhór Xefe Estadu Maiór Jenerál Forsas Armadas, Brigadeiru Taur Matan Ruak,
Exmu. Senhór Komandante Navál, Kapitaun Fragata Pedro Klamar Fuik,
Distintus Konvidadus,
Ofisiais, Sarjentus no Prasas F-FDTL nian
Forsas Armadas hanesan últimu redutu ka lutu-hún boot ida hodi garante integridade territoriál no soberania nasionál, tanba ne’e, obrigasaun Estadu nian mak halo oinsá atu fó meius ne’ebé presiza atu sira bele hala’o didi’ak sira nia misaun.
Haluha tiha ka la fornese meius hirak ne’e, hanesan ema no materiais, signifika katak hakarak halo Nasaun ne’e sai fraku, tanba husik sai vulnerável hela atu fásil liu ba ema ne’ebé aposta buat hotu, bele sobu rahun Nasaun ne’e nia patrimóniu.
Tanba ne’e mak Governu ida ne’e, ne’ebé ha’u iha devér atu xefia no, hanesan mós responsável ba pasta Defeza, la kole atu hodi buka reorganiza, reekipa no moderniza F-FDTL, atu nune’e bele fó ba nia kapasidade operasionál sufisiente atu, karik presiza, bele defende independênsia nasionál, ne’ebé ita hetan ona ho sakrifísius barak.
Área ida hotu ne’ebé Estadu sei permeável ka fraku mak patrulhamentu ba ita nia kosta ka tasi tomak, espesialmente iha Zona Ekonómika Exkluziva, nakonu ho krimes oioin, hanesan peska ilegál, tráfiku ka lori tama-sai drogas, kontrabandu no tráfiku ema.
Buat hirak ne’e akontese tanba meius navais la sufisiente i seidauk iha autonomia ne’ebé bele husik sira halo patrulhamentu ba zona kosteira tomak Paíz ne’e nian, hanesan kosta sul, ne’ebé atividades kriminozas husi grupus barak, to’o oras ne’e sei halo namanas ho impunidade.
Lanxas rua, Klase Oekusi, ne’ebé Komponente Navál F-FDTL iha, Portugál mak oferese tuir âmbitu kooperasaun bilaterál, la iha kbiit atu garante invulnerabilidade espasu geográfiku timór-nian, ne’e mak razaun tansá Governu hola kedas medidas indispensáveis atu rezolve problema ne’e.
Nune’e sei hetan husi Repúblika Populár Xina navius ka ró-ahi patrulha boot liu rua, Klase Shangai III, ho autonomia ba 700 milhas no bele halo operasaun iha tasi kle’an durante semana ida laran, la pára, i la presiza apoiu terrestre ka husi rai.
Ho ró-ahi hanesan ne’e ita bele ona halo patrulha ba zona kosteira tomak hodi asegura defeza efikáz ba ita nia riku-soin iha tasi laran, no satan netik grupus kriminozus sira tama-mai ita Rain, liuhusi fronteiras marítimas.
Serimónia ohin nian iha signifikadu boot tebes. Entrega estandartes Nasionais ba Guarnisoens ne’ebé sei responsáveis atu opera ró-ahi patrulha nian, no hein katak tinan oin mai ita bele simu ona, reprezenta pasu desizivu ida ba modernizasaun ita nia Forsas Armadas.
Tinan oin mai, sei hahú mós halo konstrusaun Base Navál moderna ida, iha Hera ne’e.
Iha dia 9 mai Guranisoens rua, ho totál militares na’in 36 husi Komponente Navál, sei bá Xina, iha ne’ebá sira sei tuir formasaun teórika iha fulan tolu laran. Hafoin halo tán formasaun seluk, ne’e prátika nian ona, hodi permite militares sira ne’e bele hetan rendimentu máximu husi kapasidades ró-ahi rua ne’e nian. Ha’u husu ba marinheirus sira hotu atu aplika dedikasaun tomak no disponibilidade aprendizajen iha fulan hirak mai laran, atu nune’e la lakon leet sira nia tempu estudus.
Konhesimentus ne’ebé imi sei bá simu iha Xina, importante tebes hodi ita bele hetan êzitu iha ita nia luta hasoru ema sira ne’ebé aposta buat hotu au sadik autoridade Estadu, aproveita frajilidade iha ita nia fronteiras tasi nian tomak. Imi tenke sente orgulhu ho farda ne’ebé imi uza, respeita konfiansa ne’ebé ami fó ba imi i labele halo buat ne’ebé bele estraga imi no ita hotu nia Pátria.
Na’i Maromak sei akompanha imi iha perkursu ka dalan.
Obrigadu barak!
Kay Rala Xanana Gusmão
6 Outubru 2009
.
Antonio Ramos da Silva
Assessor da Comunicacao do PM Kay Rala Xanana Gusmao
Contactos: Email: gabinetemediapm@ gmail.com ou a.ramos@gpm. gov.tl Telefs.: +6707230087/3310143
Sem comentários:
Enviar um comentário